يا ســـايلني على لحوال
يا ســــايلــني على لحوال....ريحــتلي خـاطري بهاد السيمة
نشــــــاله الـــخير عليك يسال...تعلى فالشــان وتزيد فالقيمة
يا ســـايـلـــني على لــحوال...وســـباب غــيــاب التبســيمة
اعــــــدرني ماصبت ما ينقال ....جوابــي لــيك ماهو بكليــمة
هـــــادي حكاية طويــلة ومـــازال....مــــازال انفكر فيها ديما
بســـــــــــــم الله نـــبدى لقــــوال...مــحــلاها كلــمة عظــيمة
بـيــــها تزول كـــــــــــل هـوال..تملـــــــي الــنفوس بالعزيمة
ونصـــــلي علــى سيد الرجال....على النــــبي زيــن التســـليمة
اللـــي شاغلــني بنــت حلال...... مســــكيــنة تربـــات يتــيــمة
رازقــها ربـــــي بالجــــــــــمال....مصـــغرها ســاجية وفهيمة
كانــــت تقــرى وتحلم تنال.....الشـهادة وترجــــــع حكــــــيمة
ولا مُـــــدرسـة تعـــلم لجيال.....حبت تعيـــــش حيــــاة كريمة
بصـــح في حـياتها داقت اهــوال...مالقــــات فالنــاس يد رحيمة
عاشــت في ضــــيق و استــغلال....من صغرها دايـرينها خديــمة
حتى مـــنامها تعــكر وكحال......و سماها الصافية سكنتها غــيمة
أيـــــه يا لوكــان تعــرف شحال... قاسي وصعيب فـراق لميـــمة
يا ســـــــــــايلني على لحوال....ريـــــــحتلي خاطري بهاد السيمة
هــــــــدا هــــــــو جواب السؤال....وســــــــبة غيــــاب التبسيمة
نــــــــــشالــــه نويت ليها لحلال.....نويــــت نســـترهــاد اليتــيمة
وانســـــــيها الضــــيق او لعلال....تولـــي في حياتها صفحة قديمة